Ярты ел инде Яр Чаллы шәһәре Сугыш ветераннары госпитале стационарында реабилитация узучы пациентлар, барлык сәламәтләндерү чараларына өстәп, республикабызда эшләнгән уникаль тренажерларда шөгыльләнәләр. Бу тренажерлар мускул-скелет травмалары булган яки инсульт аркасында хәрәкәт итү мөмкинлеген югалткан пациентларга элек булмаган амплитудада кул һәм аяк хәрәкәтләрен башкарырга булышалар һәм шуның нәтиҗәсендәкөнкүреш функцияләрен мөстәкыйль башкару сәләтен яхшырталар.