Республика клиник офтальмология хастаханәсендә клиника ветераннарын котладылар, аларга экскурсия һәм медицина тикшерүе уздырдылар
Халыкара өлкәннәр көненә багышланган ункөнлектә Республика клиник офтальмология хастаханәсе коллективы лаеклы ялга чыккан ветераннарын өйләренә барып котлады. Аларның һәрберсе данлы хезмәт юлы үткән һәм хастаханә үсешенә зур өлеш керткән.
Хастаханәнең баш табибы Динә Камил кызы Хөсәенова клиника ветераннарын чәй мәҗлесе белән очрашуга чакырды. Динә Камил кызы кунакларга клиникада соңгы елларда булган үзгәрешләр турында сөйләде. Кунаклар Республика клиник хастаханәсенең барлыкка килү тарихына һәм хәзерге заман тарихына багышланган фильмнарны карады.
Клиника ветераннарына республика клиник офтальмология хастаханәсе тарихы турында сурәтләнгән монография бүләк иттеләр. Очрашу РКОХ тарих музеенда экскурсия белән тәмамланды, аны Уку бүлеге башлыгы Елена Михайловна Кармальская үткәрде.
Өлкәннәр декадасы ахырында клиника ветераннары өчен табиб-офтальмологка комплекслы офтальмологик тикшерү һәм консультация оештырылды.