Республика иҗтимагый сәламәтлек һәм медпрофилактика үзәге хезмәткәрләренең спорт җиңүләре
Республика иҗтимагый сәламәтлек һәм медицина профилактикасы үзәгенең табиблары һәм белгечләре спортчыларның сәламәтлеген күзәтүдән, профилактик чараларны мәгълүматлаштыру һәм оештыру аша халык арасында сәламәт яшәү рәвешен пропагандалаудан тыш, үзләренең психик күнекмәләрен һәм физик сәләтләрен камилләштерәләр, шуның аркасында алар спортта да, фәнни-гамәли эшчәнлектә дә югары нәтиҗәләргә ирешә.
Соңгы 3 атна эчендә безнең белгечләр берничә спорт һәм фәнни-гамәли чараларда: MES&Archealth халыкара фәнни-гамәли конференциясендә, «Медицина реабилитациясенең һәм спорт медицинасының инновацион технологияләре» фәнни-гамәли конференциядә, «Тормышка 10 000 адым» Бөтенроссия акциясендә, фиджитал футбол буенча 3х3 турнирында һәм Казан милли ярыммарафонында катнашты.
Фиджитал футбол турнирында безнең үзәкнең ЭВМ операторы Игорь Пшеничников уйнаган командасы 3 урынны яулады.
Казан милли ярыммарафонында ЛФК табибы Ләйсән Җиһаншина һәм медицина регистраторы Фәридә Хаҗиева 10 километрлы дистанцияне узып, медальләр белән бүләкләнделәр.