Сөйләшү һәм психологның дөрес сүзе пациентларга сәламәтләнергә ярдәм итә

2022 елның 17 октябре, дүшәмбе

"Психолог - ул, беренчедән, профессионал, ир-ат яки хатын-кыз бу - бишенчедән",- ди Чаллының 7нче номерлы сырхауханәсенең медицина психологы Илдар Хәбибуллин.

Ул пациентларга хатын-кызлар консультациясе, реабилитация бүлеге пациентларына киңәшләр бирә.

Илдар Рәхимовичның пациентлары, күпчелек очракта, хатын-кызлар. Илдар Хәбибуллин белән бергә 7 сырхауханә пациентларына күңел сәламәтлеген кайтарырга психолог Сорокина Айгөл Фаат кызы ярдәм итә.

5 ай эчендә белгечкә 626 кеше мөрәҗәгать иткән, алар арасында авыр тормыш хәлендә калган пациентлар да бар. Аларга барысына да квалификацияле психологик ярдәм күрсәтелде.