Спас район үзәк хастаханәсендә район клиникасы өчен катлаулы операция үткәрделәр
Спас район үзәк хастаханәсендә тишем аша үт куыгына ашыгыч операция ясадылар. Лапароскопия операциясен үт куыгы белән кискен проблема булганда район хастаханәләре шартларында ясау уникаль очрак дип атарга мөмкин.
Хатын-кызга тишемнәр аша үлек үт куыгын чыгардылар. Мондый операцияне районнарда гадәттә кисеп башкаралар.
«Хатын безгә уртача авыр хәлдә үт куыгының кискен патологиясе белән керде. Пациентның өянәге булды, нык авыртуларга зарланды. Артык авырлык (137 килограмм), авыру йөрәк, неврологик бозулар аркасында хәле тагын да катлауланды. Озакка сузарга ярамый иде. Әзерлек һәм тикшерүдән соң операция ясалды. Үт куыгын лапароскопик рәвештә чыгардылар. Операция уңышлы узды, пациент үзен яхшы хис итә», - дип шәрехли Спас район үзәк хастаханәсе баш табибы Роман Әхмәтҗанов.