Кышкы көннәргә травматолог киңәшләре
Кышның беренче көннәре, һәм салкын, карлы һава торышы үзен озак көттермәде. Түбәнкамалылар өчен беренче сынау бозлавык булды, травмпунктта шунда ук халык күбәйде.
Түбән Кама район үзәк күп профильле хастаханәнең травматология пунктының травматолог-ортопед-табибы Ислам Куйлиев файдалы киңәшләр белән бүлеште.
- Чаңгыда, тимераякта шуу, чана белән төшү - болар барысы да шәп, әмма без пациентларга һәрчак акыл белән ял итәргә кирәк дип әйтәбез. Кышкы көннәргә айнык баш белән сөенергә кирәк! Исерек кешеләр ситуацияне контрольдә тотмый. Әгәр дә сез балаларны массакүләм таудан шуу булган урынга алып барасыз, баланы контрольдә тотыгыз. Әгәр дә олыларның берсе өстән төшүне күзәтсә, икенчесе аста балага тиз юлдан китәргә булышса - тагын да яхшырак.
Ата-аналар! Балаларга таудан шуу тәртибенең берничә мөһим кагыйдәләрен өйрәтегез һәм куркынычсызлык таләпләрен үзегез үтәгез:
1. Алдагы төшүче читкә киткәнче, таудан төшмәгез.
2. Шуып төшкәннән соң, юлдан читкә китегез.
3. Боз юлыннан йөгермәгез.
4. Тауга менү юлыннан гына менәргә кирәк, башкалар шуу юлыннан менү тыела.
5. Травматизмнан саклану өчен аяк өсте һәм тездә шуу тыела.
Тюбинглар иң куркынычы дип саныйбыз. Аларны бөтенләй идарә итеп булмый! Кешеләр тюбингларда йөргәндә тормыш белән туры килми торган җәрәхәтләр алган очраклар билгеле. Шуңа күрә сак булыгыз!
Барыгызга да ял итү өчен куркынычсыз урыннар сайларга, сыйфатлы инвентарьлар сайларга, балаларны күзәтергә, игътибарлы булырга киңәш итәм!