Мамадыш табиблары чикләвекне ашау вакытында сулышы кысылган ир кешене коткарды

Яңгырлы октябрь иртәсендә Мамадыш РҮХнең поликлиникасына табиб Галиев Рамил Кашефил улына сулыш алу кыенлыгы, тын кысылуы белән 1951 елгы пациентны алып киләләр. Туганнары әйтүенчә, 4 сәгать элек өлкән яшьтәге ир-ат чикләвек ашаган һәм кинәт каты йөткерә башлаган, ә аннары сулышы кысыла башлаган.

Тиз арада тикшергәннән соң, әстерхан чикләвеге ядрәсенең яртысы тавыш ярылары арасында калганы ачыклана, шул ук вакытта нәкъ менә бу хәл аны котылгысыз үлемнән коткарды – трахеяга шуып киткән булса, 5 минуттан үлер иде.

Авыру операция бүлмәсенә ашыгыч рәвештә китерелә, анда реанимация ярдәме күрсәтү өчен барысы да әзерләнә, чөнки һава юлларының тулысынча каплану ихтималы зур була.

Эндоскопист Кадыйралиев Амантур Кадыйралиевич һәм анестезиолог-реаниматолог Новоселова Елена Николаевна составындагы табиблар бригадасы урынлы анестезия ясап, чит әйберне чыгаруга кереште.

Эндоскоп ярдәмендә чикләвекне чыгарырга тырышу уңышка китермәде - чикләвек кечкенә кисәкләргә бүленде. Тактика үзгәртелде, техник кыенлыклар белән чикләвекне озын туры эчәк кыстыргычы ярдәмендә белән тулысынча чыгарырга мөмкин булды. Чит тәнне чыгарганнан соң, пациент сулый һәм сөйләшә башлады. Берничә көннән хирургия бүлегеннән өйгә чыгарылды.