Өшү! Билгеләр һәм беренче ярдәм

Өшү билгеләре һәм симптомнары:

1нче дәрәҗә. Әгәр дә  бераз өшесәгез аның билгеләре-җиңелчә генә чәнчеп алу, кыза, тире сизү сәләтен югалта. Зыян күргән урыннардагы тире агара, җылынганнан соң кечкенә шешү барлыкка килә, ул куе кызыл төскә ия, аннары кубаклана башлана. Гадәттә тире бер атна эчендә яңара.
2нче дәрәҗә. Бу очракта, аяк-кул очлары өшегән чакта, кызыл төскә керүдән һәм тиренең кубаклануыннан тыш ачык сыеклык булган кабарчык була. Кеше җылынганда аның ул авырта, кычыта. Тулы тернәкләнүгә ике атнага кадәр вакыт кирәк.
3нче дәрәҗә. Куыклар барлыкка килә, алар канлы була, мондый өшү еш некроз белән тәмамлана. Тирене торгызу озакка сузыла, кайвакыт бер ай яки аннан да күбрәк вакыт ала, өшүдән җөйләр кала.
4нче дәрәҗә. Өшү йомшак тукымаларның барлык катламнарына тәэсир итә, шеш, сизгерлекне югалту белән характерлана, еш кына некроз, тукымаларның үлүе белән тәмамлана. Статистика буенча, 4 нче дәрәҗә өшү - аяк-кул ампутация сәбәбе.

Беренче ярдәм:
Өшүгә шикләнелгәндә квалификацияле медицина ярдәме сорап мөрәҗәгать итәргә кирәк. Иртә эшкәртү нәтиҗәләрнең авырлыгын киметә.

Беренче медицина ярдәме күрсәткәндә гамәлләр өшүнең дәрәҗәсенә, организмның гомуми туңуына, яшенә һәм авыруларына бәйле рәвештә аерыла.
Беренче ярдәм өшүне туктату, аяк-кулларны җылыту, өшегән тукымаларда кан әйләнешен торгызу һәм инфекция үсешен кисәтүдән тора.

Өшү билгеләре булган очракта, беренче эш итеп, зыян күрүчене якындагы җылы бинага илтергә кирәк. Беренче ярдәм чараларын уздыру белән бер үк вакытта ашыгыч рәвештә табиб чакыртырга, табиб ярдәме күрсәтү өчен ашыгыч ярдәм чакыртырга кирәк.