Яшел Үзән ашыгыч медицина фельдшерлары клиник үлем кичергән кешене терелткән
Төнге сәгать бер тирәсендә килгән чакыруга фельдшерлар Наталья Карасева һәм Руслан Мәрданов составындагы бригада юл алган. Ике йөрәк өянәген кичергән 70 яшьлек ир-атның йөрәге начарланган.
- Мин исән калмаячакмын, үләчәкмен, - дип каршы алды ул медикларны.
— Бу юлы гына түгел, - дип җавап бирде Руслан Мәрданов, һәм бригада эшкә кереште.
Пациентның йөзе соры, басымы 60ка 40 — кардиоген шок, ә кардиограмма кискен миокард инфарктын күрсәтә.
Ярдәм стандарт буенча күрсәтелә, трмбларны эретүче препарат кертелә. Шуңа да карамастан, хәл катлаулана булды: пациентны көзән җыера — гырылдый, клиник үлем кичерә.
Ир кешене идәнгә салып, дефибриллятор ярдәмендә аны реанимацияли башлыйлар, һәм монда аның йөрәге туктый. Фельдшерлар тиз, бердәм эш итә. Һава биргечне куеп, йөрәккә ябык массаж ясыйлар - сигезенче минутта пациент сулап куя, уяна.
Носилкаларда авыруны ашыгыч ярдәм машинасына күчерәләр һәм Яшел Үзән хастаханәсенең реанимация бүлегенә китерәләр. Ә икенче көнне Казанга МСЧ КФУга җибәрәләр — миокард инфаркты булган пациентлар анда дәвалана.
Ике фельдшер да яшел Үзән медицина училищесын тәмамлаучылар. Руслан Мәрданов ашыгыч ярдәм хезмәтендә — 20 ел, Наталья Карасева 22 ел эшли. Мондый катлаулы очраклар аларның практикасында алты-җиде тапкыр булган.
— Ашыгыч ярдәм машинасында ни өчен эшләвеңне нәкъ менә шундый чакыруларда аңлыйсың, - ди Руслан Рәфыйкович. - Команда эше дә мөһим: Наталья Викторовна белән без бер-беребезне сүзсез аңлыйбыз. Һәрберебез нәрсә эшләргә кирәклеген белә.
- Фельдшерлар профессиональ рәвештә эшләде, - дип билгеләп үтте ашыгыч ярдәм станциясе мөдире Андрей Моисеев. - Шулай булырга тиеш тә. Бу ашыгыч ярдәм профиле буенча ашыгыч чакыруларның берсе. Безнең станциядә эшләү дәверендә Руслан Рәфыйкович берничә тапкыр реанимация чаралары үткәрде, һәм бу очрак кешене тормышка кайтаруда беренче генә очрак түгел.