Чистай район үзәк хастаханәсендә кабул итү-диагностика бүлеге ачылды
Чистай РҮХ стационары базасында сменага 100 кешегә кадәр кабул итүгә исәпләнгән заманча кабул итү-диагностика бүлеге ачылды. Ул пациентларны кабул итү блогын, критик халәтләр блогын, йогышлы авырулар боксны, шок хәлендәге авырулар залын, процедуралар залын, яраларны бәйләү бүлмәләрен, күзәтү һәм диагностика кабинетларын үз эченә ала. Яңа кабул итү-диагностика бүлеге 24/7 режимында эшләячәк.
Исегезгә төшерәбез, Чистай РҮХнең стационар бинасына капиталь ремонт 2017 елда Министрлар Кабинеты боерыгы буенча, ТР Президенты Рөстәм Миңнеханов һәм республиканың сәламәтлек саклау министрлыгы ярдәме белән башланган иде. РҮХ стационары 1986 елда төзелгән һәм шуннан бирле бер тапкыр да капиталь ремонт ясалмаган. Элегрәк масштаблы эчке эшләр башкарылган, бинаның икенче, өченче, дүртенче һәм бишенче катлары ремонтланган. Барлык эшләр дә заманча стандартлар буенча башкарыла. Үткәрелгән ремонттан соң заманча җиһазлар куелган, шул исәптән уникаль тернәкләндерү комплекслары, беренчел кан тамырлары үзәге заманча җиһазландырылган, шулай ук хәзер палатлар уңайлы. Өч зал булган яңа операция блогы эшли. Операция бүлмәләрендә нейрохирургия, травматология, хирургия, урология профильләренең, шул исәптән артроскопик, лапароскопик һәм башка төр интервенцияләрнең төрле операцияләрен башкару өчен заманча җиһазлар бар. Элек ремонтланган дүртенче һәм бишенче катларда пациентлар өчен заманча һәм матур дүрт ятаклы палаталар бар, йөрәк профиле һәм кан тамырлары үзәге пациентлары өчен аерым ванна бүлмәсе.