Казан табиблары стационарга барганда клиник үлем кичергән пациентны коткарган
Ашыгыч медицина ярдәме станциясе фельдшеры Гөлгенә Сафиуллина һәм Дарья Зайцева йөрәк турысы чәнчешүенә һәм гомуми хәлсезлеккә зарлаган 65 яшьлек ир кеше чакыруына килә.
Тәҗрибәле хезмәткәрләр шунда ук ярдәм күрсәтә башлады, ЭКГ төшерделәр һәм анамнезны тупладылар. Кискен миокард инфаркты һәм кардиогеник шок ачыклыйлар.
Авыруның гемодинамикасын тотрыклыландырганнан соң, пациент носилкада ашыгыч ярдәм машинасына озатылды.
Кан тамырлары үзәгенә барганда ир кеше клиник үлем кичерә. Ике тапкыр дефибриллация, аннары киңәйтелгән йөрәк-үпкә реанимациясе ясала. Ниһаять, ир кешенең йөрәге тибә башлый.
Машина йөртүче Леонид Ходаков машинаны хастаханәгә чаптырганда, оператив бүлек хезмәткәрләре авыр авыруның китерелүе турында кисәтү өчен табибларга шалтырата. Килүгә үк пациент реаниматологлар бригадасына тапшырыла.