Лениногорск район үзәк хастаханәсенең яңа табиблык амбулаториясе районның 3 меңгә якын кешесе булган 17 торак пунктына хезмәт күрсәтә. Медицина учреждениесе ТР сәламәтлек саклау министрлыгының "Сәламәтлек саклау"милли проектының беренчел звеносын модернизацияләү программасы буенча төзелде. Яңа табиблык амбулаториясе барлык заманча таләпләргә, санитар нормаларга һәм стандартларга туры килә. Кирәкле техника белән җиһазландырылган.