Сафин Наил Әхмәтхан улы вафат булды
Озакка сузылган авырудан соң 15.03.2023 Сафин Наил Әхмәтхан улы вафат булды.
Наил Әхмәтхан улы Татарстан Республикасы Сәламәтлек саклау системасында 34 елдан артык эшләгән, санитар табибтан алып Татарстан Республикасы Сәламәтлек саклау министрлыгының Икенче бүлеге җитәкчесенә кадәр юл үткән. Шуларның 27 елдан артыгы республиканың идарә органнарын һәм сәламәтлек саклау учреждениеләрен мобилизацияләү өлкәсендә дәүләт сәясәте нигезләрен гамәлгә ашырган.
Оештыру эшендә зур тәҗрибәгә һәм гражданнар оборонасы өлкәсендә гамәли белемнәргә ия булып, Республика медицина хезмәте белән масштаблы республика өйрәнүләрен һәм күнегүләрен оештыруда һәм үткәрүдә катнаша.
2002 елда Татарстан Республикасында Сәламәтлек саклау идарәсе органнарының икенче бүлекләре башлыклары һәм Россия Федерациясе субъектларының «Резерв» медицина мобилизация үзәкләре директорлары белән Бөтенроссия киңәшмәсен оештыручыларның һәм үткәрүдә катнашучыларның берсе була.
Кыйммәтле практик тәҗрибәгә ия булып, Татарстан Республикасы Министрлар Кабинетының мобилизацион әзерлек һәм гражданнар оборонасының медицина хезмәте мәсьәләләре буенча карарлар проектларын эшләүдә катнаша.
Күп еллар Татарстан Республикасы Сәламәтлек саклау министрлыгының Икенче бүлеген җитәкләп, Н.Ә. Сафин хезмәте һәм ул алып барган юнәлешләр Федераль сәламәтлек саклау министрлыгы, Татарстан Республикасы Министрлар Кабинеты һәм Татарстан Республикасы Гражданнар оборонасы эшләре һәм гадәттән тыш хәлләр министрлыгы эшенә йомгак ясаганда уңай бәя алган.
Наил Әхмәтхановичның хезмәте дәүләт һәм ведомство бүләкләре белән лаеклы билгеләнгән.
Хушлашу 16 мартта якынча 12.30 сәгатьтән 13 сәгатькә кадәр Казан Нуры мәчетендә Ф.Әмирхан,3 адресы буенча узачак. Җирләү Мәрҗани мөселман зиратында (Самосырово) узачак.