Никотинлы продуктлар куллануның зыяны турында
Табиб-психиатр, Алабуга РҮХ наркологы Пляшкова Марина Владимировна электрон тәмәкеләрнең зыяны турында сөйләде.
Соңгы 20 елда яшьләр арасында тәмәке тарту таралуы кими бара иде. Электрон сигаретлар һәм вейплар барлыкка килгәнче.
Вейплар
Тәмәке тартуның һәр төре сулыш юлларын, авыз куышлыгын, трахея һәм бронхларны ярсыта. Вакыт узу белән вейперлар үпкә авырулары һәм бронхообструктив синдром кебек авырулар белән очрашырга мөмкин.
Никотинсыз вейп өчен сыеклык сайлаганда да, тискәре нәтиҗә бар. Составында пропиленгликоль һәм глицерин, аларны җылытканда югары токсик акролеин һәм формальдегид барлыкка килә. Алар шулай ук сулыш алган аэрозоль янәшәсендә булганнар өчен дә куркыныч.
Кальян
Кальянның чагыштырмача катлаулы системасын исәпкә алып, күпләр үпкәләргә барып җиткәч, төтен куркынычсыз диярлек дип ышаналар. Кальян сулаган төтенне фильтрлый һәм суыта имеш.
Ләкин тикшеренүләр күрсәткәнчә, төтен су аша үткәндә берничә матдәдән генә арына.
Кальян тартучылар организмында тәмәке тартучыларга караганда, мышьяк, кургаш һәм башка куркыныч матдәләр күбрәк.
Тәмәке
Сулыш юлының төрле авырулары спектрыннан тыш, тәмәке төтене 30дан артык локализацияле онкологик авыруларга, йөрәк-кан тамырлары авыруларына һәм ашказаны-эчәк юлы авыруларына китерә.