Бөтендөнья сәламәтлек көнендә Горький исемендәге паркта «Сәламәт бул! FEST» фестивале үтте

2023 елның 10 апреле, дүшәмбе

Бөтендөнья сәламәтлек көнендә Казанның Горький исемендәге үзәк мәдәният һәм ял паркында «Сәламәт бул»  Бөтенроссия акциясе кысаларында «Сәламәт бул! FEST» фестивале узды.

Фестивальгә килүчеләр «Сәламәтлек маршы» нда катнаштылар, сәламәтләндерү зарядкасына кушылдылар, шулай ук Казан дәүләт медицина университетының иҗтимагый оешмаларыннан интерактив программада катнаштылар.