Сарман районында Югары Чыршылы авылында ФАПка капиталь ремонт ясала

2023 елның 4 мае, пәнҗешәмбе

Сарман үзәк район хастаханәсенең Югары Чыршылы фельдшер-акушерлык пунктында капиталь ремонт тәмамлана. Эшләр «Сәламәтлек саклау» милли проектының «Сәламәтлек саклауның беренчел звеносын модернизацияләү» программасы акчасына башкарыла.

Югары Чыршылы ФАП элеккеге мәктәп бинасында урнашкан. Эксплуатация елларында бина бик нык тузган һәм яңартуга мохтаҗ булган.

Хәзерге вакытта ФАПта бизәү эшләре тулысынча тәмамланган, стеналар барысы да тигезләнгән һәм буялган, тәрәзәләр, ишекләр, идәндәге линолеум, түшәмнәр алыштырылган. Кабинетларны су, җылылык, электр белән тәэмин итү системалары тулысынча алыштырылган.

Хәзер бу персонал һәм авыл медпункты пациентлары өчен бөтенләй яңа шартлар булачак.