Сугыш ветераннары өчен госпитальдә стационарны капиталь ремонтлау башланды

2023 елның 17 мае, чәршәмбе

Яр Чаллы шәһәренең сугыш ветераннары өчен госпиталендә стационарны өлешчә капиталь ремонтлау эшләре башланды.

Стационарда реанимация бүлеге ремонтланачак һәм җиһазландырылачак, тәрәзәләрне алыштыру, санузелларны яңарту, инженер-техник тәэмин итү челтәрләрен ремонтлау планлаштырыла.

Киртәсез мохит булдыру кысаларында стационарның беренче катында пандусны ремонтлау буенча эшләр башкарылачак.

Элегрәк, 2020 елга стационарларны капиталь ремонтлау программасы кысаларында госпитальдә дәвалау корпусының 1 нче катында урнашкан азык-төлек блогын, подвалда урнашкан кер юу бүлмәсен һәм аерым торган дезинфекция бинасын капиталь ремонтлау буенча эшләр башкарылган иде.