РБХ Kazan Forum 2023 кысаларында хезмәттәшлек турында килешүләр имзалады

2023 елның 18 мае, пәнҗешәмбе

ТР ССМ Республика клиник хастаханәсе «Россия — Ислам дөньясы: KazanForum 2023» ХIV халыкара икътисади форумы кысаларында хезмәттәшлек турында Сәмәрканд дәүләт медицина университетының махсуслаштырылган балалар хирургия клиникасы белән һәм Үзбәкстанның Ташкент педиатрия медицина институты белән килешү имзалады.
Шулай ук бүген клиникага Россия Сәламәтлек саклау министрлыгының Цифрлы үсеш һәм мәгълүмати технологияләр департаменты директоры урынбасары Дмитрий Темнов килеп, хастаханәнең тәҗрибәсе, процессларны оештыру өлкәсендәге карарлары белән танышты.