Эшче яшьләр «Наше время – Безнең заман» фестиваленә чакырыла

2023 елның 23 мае, сишәмбе

Татарстанда ел саен үткәрелә торган «Наше время – Безнең заман»  XI эшче яшьләр иҗаты ачык республика телевизион фестивале старт алды. Ул Татарстан Республикасы Президенты Рөстәм Миңнеханов ярдәме белән үткәрелә.

Катнашу өчен гаризалар 2023 елның 25 сентябренә кадәр кабул ителә.

Фестивальнең зона турлары 2023 елның октябрендә Түбән Кама, Әлмәт һәм Казан шәһәрләрендә, финал һәм Гала-концерт 2023 елның ноябрендә Казанда узачак.

Фестиваль турында барлык кирәкле мәгълүмат Фестиваль сайтында урнаштырылган - www.bzzm.ru.