Казанда яшәүче хатын-кызлар әйдәп баручы онкологларда бушлай тикшерү уза алачак

2023 елның 22 июне, пәнҗешәмбе

Тикшерү 25 июньдә 10.00 сәгатьтән 16.00 сәгатькә кадәр Черек күл паркы амфитеатрында узачак.

Кирәк дип табылган очракта, акциядә катнашучыларны маммографик тикшерүгә яки күкрәк бизләренең УЗИ-ына җибәрәчәкләр.

Тикшерүдән тыш, проектта катнашучыларга бушлай диспансерлаштыру турында сөйләячәкләр, авыру белән очрашкан хатын-кызларның фотолары һәм аларның гадәти булмаган тарихлары белән хәйрия проектын күрсәтәчәкләр.

Теләге булган һәркем открыткаларга ярдәм сүзләре яза алачак, аннары аларны оештыручылар җылы сүзләрне ишетү мөһим булган хатын-кызларга тапшырачак.

Скрининг авыруны иртә диагностикалауга һәм заманча дәвалау ысулларына багышланган «Казан күкрәк рагына каршы» акциясе кысаларында узачак.