Яшел Үзән районында Садовый бистәсендә тиздән авыл халкы өчен фельдшер-акушерлык пункты ачылачак

2023 елның 15 сентябре, җомга

Яшел Үзән районы Раиф авыл җирлегенең Садовый бистәсендә яңа фельдшер-акушерлык пункты ачылырга әзер.

ФАП бинасы инде файдалануга әзер. Барлык коммуникацияләр китерелгән, җиһазлар һәм медицина җиһазлары урнаштырылган, янәшәдәге территория төзекләндерелгән. Хәзерге вакытта медицина учреждениесе лицензия алу этабында тора.

ФАП «Сәламәтлек саклау»милли проектының беренчел звеносын модернизацияләү программасы буенча төзелгән. Биредә 300дән артык авыл кешесе медицина ярдәме алачак.