Бүген Казанда узган матбугат конференциясендә Татарстанда диспансерлаштыруның барышы турында сөйләделәр
Бүген «Татар-информ» мәгълүмат агентлыгында ТР сәламәтлек саклау министрлыгының профилактик ярдәм һәм сәламәтлек саклау бүлеге башлыгы Елена Давидовна Хафизова, ТР сәламәтлек саклау министрлыгының гомуми табиблык практикасы буенча баш белгече Люция Исхаковна Фәйсханова һәм ТР сәламәтлек саклау министрлыгының баш белгече-онколог Эдуард Вилданович Нагуманов катнашында матбугат конференциясе узды.
2023 елда Татарстанда өлкәннәр арасыннан 1 млн 200 меңнән артык кешене карау планлаштырыла.
Медицина оешмаларында диспансерлаштыруга килгән пациентларның хәрәкәте логистикасы билгеләнгән. Профилактик медицина тикшерүләре һәм диспансерлаштыру, шул исәптән, кичке сәгатьләрдә һәм шимбә көннәрендә оештырыла. Медицина тикшерүләре һәм диспансерлаштыру «Сәламәтлек саклау» милли проектының "Беренче медицина-санитар ярдәм күрсәтү системасын үстерү" төбәк проекты кысаларында үткәрелә.
Медицина оешмаларының оператив мәгълүматлары буенча, 05.10.2023 елда каралган:
666 975 кеше өлкән яшьтәге халыкның билгеле бер төркемнәрен диспансерлаштыру кысаларында, яки 2023 елның гыйнвар-октябрь планыннан 99,41 % ;
218 271 кеше өлкән яшьтәге халыкны профилактик медицина тикшерүе кысаларында (планның 148,0%);
333 376 кеше, тирәнәйтелгән диспансеризация кысаларында, (планның 114,0%).
Алар арасында 834 меңнән артык авыру теркәлгән, шул исәптән 69 меңгә якын беренче тапкыр ачыкланган. Беренче тапкыр билгеләнгән авыруларның 22,0 процентын кан әйләнеше системасы авырулары тәшкил итә, шуларның 72,0 проценты артериаль басым югары булган авырулар.
«ТР ССМ Республика клиник онкология диспансеры» ДАССУның беренчел мәгълүматлары буенча, агымдагы елның 9 аенда өлкәннәр диспансеризациясе кысаларында беренче тапкыр 1 923 яман шеш очрагы ачыкланган (2022 – 838 очрак). Иртә стадияләрдә (I -II стадияләрдә) ачыкланган авырулар саны 1 366, яки 71,0% (2022 ел 9 ай - 601 очрак, яки 72,0%).