3 нче Чаллы поликлиникасының 6 табибы ТР Хөкүмәтенең торакка грантларын алды
Быел гына да Чаллы шәһәренең 3 нче поликлиникасына 10 яшь табиб һәм 17 шәфкать туташы эшкә урнашты. Яшьләр алган белемнәрен практикада кулланырга әзер.
Медицина вузларын тәмамлаган яшь табиблар 3 сырхауханәгә эшкә урнашырга омтылулары юкка түгел. Җитәкчелек яшь, актив белгечләр командасын оештыра, алар белән янәшә эшләү һәм хезмәттәшләренең тәҗрибәсен үзләштерү рәхәт.
Быел поликлиникада эшкә урнашкан 6 табиб Татарстан Республикасы Хөкүмәтенең 800 мең сум күләмендә торак грантын алды. Шәһәр тагын 200 мең бирә. Бу аларга социаль ипотека буенча фатирны түләүсез сатып алырга мөмкинлек бирәчәк.
Медицина хезмәткәрләренә ярдәм итү "Сәламәтлек саклау" илкүләм проектның "Сәламәтлек саклау системасының медицина оешмаларын квалификацияле кадрлар белән тәэмин итү " региональ проектның бер өлеше.
Сүз уңаеннан, поликлиника табибларны ординатурада укыту өчен барлык чыгымнарны үз өстенә ала. Өстәмә белгечлекләр алу теләген хуплый.