Россия Хөкүмәте «Сәламәтлек саклау» милли проектының беренчел сәламәтлек саклау буынын модернизацияләү программасын дәвам итүне хуплый
28 ноябрьдә төбәкләрдә медицина объектларын ачуга багышланган видеоконференциядә сәламәтлек саклауның беренчел звеносын модернизацияләү проекты дәвам ителергә тиеш, дип белдерде вице-премьер Татьяна Голикова, Президент Владимир Путинга мөрәҗәгать итеп.
Вице-премьер ассызыклаганча, бу бик кирәкле проект, чөнки беренчел буын «авырулар ачыкланганда, профилактик эш башкарылганда халык белән иң зур элемтәдә тора». Ул искәрткәнчә, модернизация программасын озайту өчен төбәкләр чыгыш ясады.
2021 елда Владимир Путин инициативасы белән эшли башлаган программа сәламәтлек саклау күрсәткечләренә сыйфатлы йогынты ясый.
2025 елга кадәр беренче буынны модернизацияләү буенча федераль проект 3973 сәламәтлек саклау объектында капиталь ремонт үткәрү һәм 7324 яңа төзелеш, 50 меңгә кадәр кеше яшәгән торак пунктларда медицина учреждениеләрен җиһазландыру, 130 мең берәмлек җиһаз сатып алу планнарын үз эченә ала. Бу максатларга 550 млрд сум бүлеп бирелгән. Голикова мәгълүматлары буенча, әгәр программаның тәмамлану вакыты 2030 елга күчерелсә, финанслау күләме 1,3 трлн сумга җитәргә мөмкин.
Татарстанда әлеге программа буенча быел ике поликлиника ачылды, 25 ФАП төзелде, 117 медицина учреждениесендә капиталь ремонт ясалды, 1805 берәмлек медицина җиһазы кертелде.