"Мәгариф һәм сәламәтлек". Табибларның педагоглар өчен лекцияләр циклы тәмамланды

2023 елның 6 декабре, чәршәмбе

Табиб-белгечләр катнашында Казан мәктәпләре педагоглары өчен «Мәгариф һәм сәламәтлек» темасына багышланган семинар-киңәшмәләр циклы тәмамланды. Йогышлы һәм йогышлы булмаган авыруларны профилактикалау һәм сәламәт яшәү рәвеше пропагандасы мәсьәләләре буенча семинар кысаларында башкала мәктәпләренең 200дән артык педагогына мәгълүмат бирелде һәм укытылды.

Йомгаклау циклы Идел буе һәм Вахитов районнары мәктәпләренең тәрбия эшләре буенча директор урынбасарлары өчен 150 нче мәктәптә узды.

Республика җәмәгать сәламәтлеге һәм медицина профилактикасы үзәге җитәкчелегендә сәламәтлек саклау учреждениеләре табиблары чыгыш ясады.