Республика клиник хастаханәсенең 1 нче нейрохирургия бүлеге мөдире һәм ТР Сәламәтлек саклау министрлыгының штаттан тыш баш нейрохирургы Тимур Бикмуллин Кытайда халыкара конференциядә чыгыш ясады.
22-26 ноябрьдә Кытайның Сиан шәһәрендә России ортопедлар ассоциациясенең 15нче еллык конгрессы узды, анда Россиянең 8 табибыннан торган делегация чакырылды. Халыкара конгресска Россия Федерациясенең төрле шәһәрләреннән 3 нейрохирург һәм 5 ортопед китте.
Тимур Бикмуллин коллегаларына Татарстан клиникасының 10 еллык тәҗрибәсен тәкъдим итеп, муен умыртка баганасының дискларын протезлау турында доклад белән чыгыш ясады.