Зәй РҮХ фельдшерлары укучыларга тәмәке тартуның зыяны турында сөйләделәр
Сыйныф сәгатьләре Зәй районының барлык мәктәпләрендә дә узды. Чыбыклы ФАПы фельдшеры укучыларга тәмәке тартуның зыяны турында сөйләде.
4-10 декабрьдә Бөтенроссия никотинлы продукция куллануны профилактикалау атналыгы уза.
Зәй үзәк район хастаханәсе атна саен тематик Сәламәтлек мәктәбен оештыра. Бу атнада Чыбыклы фельдшер-акушерлык пункты фельдшеры Рәхимә Фәйрушина Чыбыклы мәктәбе укучылары белән очрашу үткәрде. Ул балаларга сәламәт яшәү рәвешенең мөһим әһәмияте һәм никотинның зыяны турында сөйләде. Дәрестә 14-15 яшьлек балалар катнашты.
Фельдшер Альмира Фәретдинова Кадер мәктәбе укучылары белән очрашу үткәрде. Аның дәресендә уннан артык укучы катнашты. Ул алар белән никотинның, наркоманиянең, алкоголизмның зыяны турында сөйләште, гигиена һәм сәламәт туклану турында искә төшерде.