Чистай РҮХнең 2нче шәһәр хастаханәсе поликлиникасында яңа флюорограф эшли башлады

2023 елның 8 декабре, җомга

Медицина учреждениесенә аппаратны «Сәламәтлек саклау» милли проектының «Сәламәтлек саклауның беренчел звеносын модернизацияләү» программасы буенча сатып алдылар.

Искәртеп узабыз, кичә бинаны һәм яңа җиһазларны файдалануга әзерләү буенча зур эш оештырылды: кабинет капиталь ремонтланды, кабель системалары салынды, параметрлар көйләнде.

Җиһаз йөрәк авыруларын, умыртка баганасының күкрәк бүлеге  һәм кабырга патологияләрен иртә диагностикалауда ярдәм итә. Аның төп максаты – үпкә диагностикасы.

Яңа флюорограф сыйфатлы сурәтләр алырга мөмкинлек бирә һәм рентген нурланышы дәрәҗәсе түбәнрәк, бу пациентлар өчен дә, прибор белән эшләүче хезмәткәрләр өчен дә мөһим.