Тиздән Саба районында яшәүче хатын-кызлар яңа маммографта тикшерү уза алачак

2023 елның 11 декабре, дүшәмбе

Саба үзәк район хастаханәсе белгечләре яңа маммографта эшләргә өйрәнделәр. Яңа җиһаз – цифрлы рентген маммографы Р-500 “Маммоскрин” сентябрьдә “Сәламәтлек саклау” милли проектының “Сәламәтлек саклауның беренчел звеносын модернизацияләү” федераль программасы кысаларында килде.

Яңа маммографның төп өстенлеге – фотосүрәтнең сыйфаты күпкә югарырак, нур йөкләнеше азрак. Фотоның төгәллеге арту сәбәпле, әлеге аппарат төгәлрәк диагностика үткәрергә һәм яңа шешләрне иртә стадиядә ачыкларга мөмкинлек бирә.