«Яңа ел могҗизасы» хәйрия акциясе ярдәмендә 9 яшьлек Эльвина һәм 6 яшьлек Рөстәм хыяллары тормышка ашты

2023 елның 26 декабре, сишәмбе

Үсештә үзенчәлекләре булган яшь чаллылыларның теләкләре тормышка ашуында Табиб-физкультура диспансерының баш табибы Рафис Заһит улы Әхмәтҗанов, шулай ук диспансер хезмәткәрләре Наталья Тугулева һәм Алина Васильева ярдәм итте.

Тугыз яшьлек Эльвина сөйләшми, ләкин тирә-юньдәге бар нәрсәне бик яхшы тоя, туганнарын таный һәм алар белән эмоцияләр аша аралаша. Музыка тыңларга ярата. Кызыклы хикәяләр, әкиятләр һәм матур музыка тыңлар өчен акыллы колонка Алиса бүләк итүләрен теләгән.

Ә алты яшьлек Рөстәм быел үзен яхшы тотканын, әти-әнисен тыңлаганын һәм күп яңалыклар белгәнен сөйләде. Ләкин ул чит кешеләр белән аралашырга яратмый. Үсеп җиткәч, ул бик тә автоузышчы булырга тели, якты машиналар ярата һәм быел бүләккә уенчык машина алырга хыяллана.