Татарстан Республикасында беренчел медик-санитар ярдәм күрсәтү системасын үстерү
2023 елда «Мобиль поликлиника» күчмә комплекслары үз эшен дәвам итә. Күчмә поликлиникалар Татарстанның 29 районында, 145 торак пунктта хезмәт күрсәттеләр. Барлыгы 31 308 кеше каралган, шуларның 13 754е (43,9%) диспансерлаштыруның икенче этабы барышында (21.12.2023 мәгълүматлары буенча).
Мобиль бригадаларның составы аерыла. Гомумән, акушер-гинеколог, невролог, офтальмолог, кардиолог, кан тамырлары хирургы, уролог, эндокринолог, УЗИ диагностикасы табибы, функциональ диагностика табибы (ЭКГ) килә. Мобиль пунктка шулай ук лаборатория комплексы кертелгән.
"Тәгәрмәчле" биш поликлиниканың эшчәнлеге «Сәламәтлек саклау» милли проектының «Татарстан Республикасында беренчел медицина-санитар ярдәм күрсәтү системасын үстерү» төбәк проекты кысаларында гамәлгә ашырыла.