Зәй үзәк район хастаханәсендә беренче яңа туган баланы котладылар

2024 елның 10 гыйнвары, чәршәмбе

Бүген Зәй РҮХнең акушерлык бүлегендә дөньяга килгән беренче яңа туган баланы туганнары каршы алды.

Кадыйровлар гаиләсендә бу озак көтелгән өченче бала, әти-әнисе аңа Динар исемен кушкан.

- Безнең ике кызыбыз бар, малай булуын да теләдек. Бу безнең гаилә өчен бик бәхетле мизгел, - ди гаилә башлыгы Илнар Кадыйров.

Аның хатыны Барфина Кадыйрова медицина хезмәткәрләренә рәхмәт белдерде

Бәхетле ата-аналарны район башкарма комитеты җитәкчесенең социаль мәсьәләләр буенча урынбасары Светлана Ревина, ЗАГС бүлеге башлыгы Гөлфия Вәлишина, Зәй РҮХ баш табибы Айдар Фатыйхов, медицина хезмәткәрләре котлады.

Ел башыннан Зәй районында 5 сабый туган, шуларның 2се Зәй үзәк район хастаханәсендә дөньяга килгән.