Яшел Үзән табибларына медицина хезмәткәрләре ассоциациясенә керүнең өстенлекләре турында сөйләделәр
Яшел Үзән район үзәк хастаханәсе табиблары белән Ассоциация идарәсе рәисе Любовь Шәйхетдинова очрашты. Ул хәбәр иткәнчә, Татарстан медицина хезмәткәрләренең 80% тан артыгы оешма сафларына кергән инде.
Әмма Яшел Үзән районында бу саннар бераз түбәнрәк.
Медицина хезмәткәрләре ассоциациясенә керүнең өстенлекләре арасында: медицина хезмәткәрләрен социаль-хокукый якланавы, социаль гарантияләрне тәэмин итү, медицина җаваплылыгын иминиятләштергәндә иминият очракларын экспертлар белән тәэмин итү һәм башкалар.
Ассоциациягә керү өчен үзәк район хастаханәсендә беренчел оешма рәисенә мөрәҗәгать итәргә яки гариза җибәрергә кирәк, аның бланкы, шулай ук барлык таләпләр ТР Медицина хезмәткәрләре ассоциациясе сайтында урнаштырылган.
Табиблардан тыш, оешмага медицина биологлары һәм фельдшерлары кабул ителә. Урта медперсонал өчен Шәфкать туташлары ассоциациясе бар.