Теләче үзәк район хастаханәсендә мәктәп укучылары өчен экскурсия үткәрделәр

2024 елның 3 феврале, шимбә

«Теләче үзәк район хастаханәсе» ДАССУ «Ак халатлы фәрештәләр – Ангелы в белых халатах» медицина фестивале кысаларында үзләрен табиб яки медицина хезмәткәре һөнәренә багышларга хыялланган укучылар өчен үз ишекләрен ачты.

Кунакларны хастаханәнең баш табибы Ирек Илгиз улы Галиуллин сәламләде. Үз чыгышында баш табиб һөнәр сайлауның мөһимлеге турында сөйләде, медицинаны сайлауның әһәмиятен ассызыклады.

Чарада Теләче районы студент-өлкән курс студенты Мөбинов Салават югары сыйныф укучыларын югары уку йортының  күпкырлы тормышы белән таныштырды. КДМУ турында бик мәгълүматлы презентацияләр һәм видеороликлар күрсәтте.

Укучылар медицина университетында уку һәм дәвалау учреждениесендә эшләү белән танышты.