Быел йөздән артык медицина учреждениесе ремонтланачак

2024 елның 12 марты, сишәмбе

Быел беренчел звенодагы 105 медицина учреждениесе ремонтланачак. Эшләрне башкаруга акча «Сәламәтлек саклау» милли проектының «Сәламәтлек саклауның беренчел звеносын модернизацияләү»программасы буенча бирелә.

Капиталь ремонт 20 поликлиникада, 9 табиб амбулаториясендә һәм 76 фельдшер-акушерлык пунктында үткәреләчәк.

Узган ел республиканың берничә районында гамәлдәге медицина учреждениеләренең 117 бинасы яңартылган.

Модернизация программасының бурычы - беренчел медицина ярдәменең сыйфатын яхшырту. РФ Президенты Владимир Путин программаны илдә 2030 елга кадәр озайту турында карар кабул итте.