Министр Марсель Миңнуллинның Җиңү көне белән котлавы
Хөрмәтле ветераннар! Кадерле хезмәттәшләр!
Сезне чын күңелдән Җиңү көне белән котлыйм!
Бу безнең һәрберебез өчен үзенчәлекле бәйрәм. Бөек Ватан сугышы һәр гаиләгә кагылды. Безнең бабаларыбыз һәм әбиләребез сугыш кырларында үз гомерләрен биргәннәр, көн-төн фронт ихтыяҗлары өчен эшләгәннәр.
Гомуми җиңүебезгә медицина хезмәткәрләре дә зур өлеш керткән. Үзләрен кызганмыйча, алар яраланган сугышчыларны фронттан коткарганнар, госпитальләрдә эшләгән, һәр тормыш өчен көрәшкән.
Безнең республикада 72 эвакогоспиталь җәелдерелгән булган, Татарстан медиклары яраланган сугышчыларның 70% тан артыгын сафка кайтарган! Әлбәттә, бу да батырлык булган.
Кызганычка, күп кенә ветераннар безнең янда юк инде. Ләкин без аларның фидакарь хезмәтләре турында хәтерне саклыйбыз, сәламәтлек саклау ветераннарын хөрмәтлибез, аларның тормыш юлы безнең өчен чын патриотизм һәм Ватаныбызга хезмәт итү үрнәге булып тора!
Татарстан Республикасы Сәламәтлек саклау министры Марсель Миңнуллин