М.Н. Садыйков исемендәге 7нче хастаханәнең табиб - хирурглары сирәк һәм катлаулы операция үткәрәләр - канаучы уникеилле эчәк җәрәхәтен эмболизациялиләр

2024 елның 16 мае, пәнҗешәмбе

Бу юлы операция өстәлендә гастродуоденаль кан китү һәм ачык операция куркынычы зур булган пациент була.

Арта барган кан югалту һәм анемия радикаль һәм тиз карарлар кабул итүне таләп итә.

Диагностика һәм дәвалауның рентгенохирургия ысуллары бүлеге җитәкчесе Марат Минһаҗетдинов әйтүенчә, транскатетерлы артериаль эмболизация кебек операция башкарулар Россиядә дә киң таралмаган.