Биектау районында 7нче Шәһәр клиник хастаханәсенең мобиль комплексы эшли
М. Н.Садыйков исемендәге 7 нче шәһәр клиник хастаханәсенең мобиль комплексы дүшәмбедән республиканың Биектау районы Ильино авылында эшли башлады.
Төп бурыч - җирле халыкны диспансерлаштыру. Моның өчен ФАП фельдшерларыннан һәм район үзәк район хастаханәсенең участок терапевтларыннан медицина бригадалары төзелде. Мобиль комплекс эше «Халыкка беренчел медик-санитар ярдәм күрсәтү» төбәк проектының «Сәламәтлек саклау» илкүләм проекты кысаларында алып барыла.
Профилактик чаралар авыр авыруларны иртә стадияләрдә ачыкларга булыша, бу исә үлүчеләр санын киметергә ярдәм итә.
Узган атнада Биектау районы Дөбъяз авылында мобиль бригада 351 пациентны карады, шуларның 210ы - өлкән яшьтәгеләр. 32 пациент районның үзәк хастаханәсенә һәм Казан хастанәсендә өстәмә тикшерү үтәргә һәм 15 пациентка госпитализация тәкъдим ителде.
Агымдагы ел башыннан мобиль клиника табиблары 8176 пациентны караган һәм аларга дәвалау билгеләгән.