15 октябрь - Бөтендөнья сөт бизе яман шешенә каршы көрәш көне
Сөт бизенең яман шеше хатын-кызларның онкологик авырулары структурасында беренче урынны алып тора, өстәвенә, авырулар саны даими үсә.
Түбән Кама район үзәк күп профильле хастаханәнең амбулатор онкология ярдәме үзәге мөдире Ильяс Ганиев бу авыруның ни өчен мәкерле булуын искә төшерде һәм киңәшләр бирде.
Сөт бизенең яман шеше нәрсә ул?
Сөт бизе яман шеше - сөт бизе өлкәсендәге яман шеш. Ул хатын-кызларда яман шешнең иң киң таралган төре булып тора һәм ешрак 40 яшьтән соң барлыкка килә. Якынча 1% очракта аның белән ир-атлар авырый. Башта бер генә күкрәк зарарлана. Түбән Кама үзәк район хастаханәсендә онкологта бу диагноз белән 1388 пациент исәптә тора, аларның иң яшенә 18 яшь.
Авыруны ничек белергә?
Мин һәрвакыт үз пациентларыма әйтәм, диспансеризацияне беркайчан да игътибарсыз калдырмагыз. 40 яшьтән башлап, диспансерлаштыру кысаларында, хатын-кызлар ике елга бер тапкыр мөһим тикшеренү - маммография уза. Бу онкологлар һәм маммологлар өчен сөт бизләренең торышын төгәл диагностикалау өчен алтын стандарт. Саннар теле белән әйтсәк, быел гына да мамография ярдәмендә «сөт бизе яман шеше» диагнозы 12 хатын-кызга куелган. Барысында да диярлек авыру үсә генә башлаган, ә бу без пациентларга вакытында ярдәм күрсәтә һәм гомерләрен саклап кала алачакбыз дигән сүз!
Үз-үзеңне карау турында да онытырга кирәкми. Әгәр сезне нәрсәдер борчый икән, маммологка яки онкологка мөрәҗәгать итегез, монда яшькә карау юк.
Сөт бизе яман шешенең үсеш куркынычы олырак яшьтә булу, симерү, алкоголь һәм тәмәкене куллану, сөт бизе яман шешенең гаилә анамнезы, диагностиканы (шул исәптән үз-үзеңне диагностикалауны да) санга сукмау кебек факторлар булганда арта. Авыру көчле стресс китереп чыгарырга мөмкин.
Белгечләр күзәтүе буенча сөт бизе яман шешенең иң түбән дәрәҗәсе — туучылар саны югары булган илләрдә. Абортлар санын киметү һәм имезүне ярты елга кадәр саклап калу күкрәк рагы үсеше куркынычын сизелерлек киметә.
Зарарлы факторларны бетерегез, дөрес тукланыгыз, ел саен диспансеризация узыгыз, үз-үзегезне тикшерегез. Үзегезнең сәламәтлегегезне саклагыз һәм истә тотыгыз, патологияне вакытында ачыклау терелүгә шансларны 90% ка кадәр арттыра!
Исегезгә төшерәбез, 1 нче поликлиникада һәм 7 нче дәвалау корпусында «Сәламәтлек саклау» милли проектының беренчел сәламәтлек саклау звеносын модернизацияләү программасы кысаларында Цифрлы маммографик аппаратлар урнаштырылган.