Биектау район үзәк хастаханәсендә мәктәп укучылары өчен ачык ишекләр көне узды
7 февральдә Биектау район үзәк хастаханәсе коридорларын медицина белән бәйләргә ниятләгән район мәктәпләре укучылары тутырды. Балалар хастаханәнең барлык бүлекләрендә булдылар, җиһазларны карадылар һәм хәтта микроскоп астында кан анализын өйрәнделәр.
Аннары хастаханәнең баш табибы Айрат Гайфуллин балаларны сәламләде, аларны шундый катлаулы һөнәр сайлаганнары өчен мактады һәм куелган максатка ирешүләрен теләде. Кадрлар бүлеге башлыгы Ольга Картушина максатчан укытуның үзенчәлекләре: заявка бирү ысуллары, сайлау принциплары һәм киләчәктә эшкә урнашу шартлары турында сөйләде.
Очрашу «Ак халатлы фәрештәләр – Ангелы в белых халатах» медицина фестивале кысаларында узды.
Иртә профориентация «Кадрлар» милли проектының максатларына һәм бурычларына җавап бирә.