Мәктәп хыялыннан – ак халатка: булачак медикларның очрашуы Чистай район үзәк хастаханәсендә узды

2026 елның 10 феврале, сишәмбе

Татарстанда ел саен «Ак халатлы фәрештәләр – Ангелы в белых халатах» медицина фестивале уза.

Бүген, яшьләрне сәламәтлек саклау системасына җәлеп итү буенча һөнәри юнәлеш бирү эшен уздыру кысаларында, Чистай район үзәк хастаханәсе администрациясе тарафыннан шәһәр мәктәпләре, гимназияләре һәм лицейлары укучылары белән очрашу оештырылды.

Чистай район үзәк хастаханәсе баш табибы Илдар Хәнифов балаларга учреждениенең структурасы, районның сәламәтлек саклау системасын модернизацияләү һәм хастаханәнең үсеш перспективалары турында җентекләп сөйләде. Ул билгеләп үткәнчә, Чистай район үзәк хастаханәсе актив үсә, бу медицина ярдәменең сыйфатын сизелерлек яхшыртырга мөмкинлек бирә.

Бүген учреждениедә хәзерге заман кабул итү-диагностика бүлеге эшли, аның составына пациентларны кабул итү блогы, критик хәлләр блогы, йогышлы бокс, шокка каршы зал, шулай ук процедура, күзәтү һәм диагностика кабинетлары керә. 2025 елда стационар базасында бөтен Кама аръягы округының йөрәк-кан тамырлары авырулары булган пациентларны дәвалау өчен тире аша тыкшынулар үзәге ачылды.

Баш табиб аерым ассызыклаганча,  район үзәк хастаханәсе яшь белгечләр өчен һәрвакыт ачык.

Илдар Фәрит улы укырга керүче абитуриентлар өчен гамәлгә ашырыла торган федераль һәм төбәк программаларына тукталды (максатчан укыту) һәм яшь белгечләргә ярдәм итү (арендалы торак программасы, социаль ипотека һ.б.).

Чистай район үзәк хастаханәсе эшчәнлеге белән танышу өчен студентларга хастаханә бүлекчәләре презентациясе, шулай ук проморолик күрсәтелде.

Казан медицина университетының 6 курс студентлары Надежда Славнина һәм Әдилә Гасымова булачак абитуриентларга медицина университетында укулары һәм студентлар тормышы, Казан медицина мәктәбенең данлыклы традицияләре турында мавыктыргыч итеп сөйләделәр.

Презентациядә республиканың төп медицина вузы турында тулы мәгълүмат тәкъдим ителде: нигез салу тарихыннан алып (1814 елда – Казан Император университетының медицина факультеты) иң алдынгы белем бирү технологияләренә һәм фәнне үстерүгә кадәр. Алар шулай ук университет эшчәнлегенең төп юнәлешләрен һәм аны тәмамлаучылар ала алырлык белгечлекләр төрләрен әйттеләр.

Чистай  район үзәк хастаханәсенең кадрлар бүлеге җитәкчесе Әнисә Кыямова укучыларга медицина вузларына максатчан юнәлеш буенча керү критерийлары турында җентекләп сөйләде.
Балалар чыгыш ясаучыларга үзләрен кызыксындырган сорауларны да бирә алдылар.