Түбән Кама укучылары Түбән Кама перинаталь үзәкле район балалар хастаханәсе буенча экскурсия барышында медицина дөньясына чумдылар
«Ак халатлы фәрештәләр» фестивале дәвамы буларак, үз тормышларын медицина белән бәйләргә ниятләгән өлкән сыйныф укучылары өчен дәвалау учреждениесе буенча традицион экскурсия уздырдылар.
Түбән Кама перинаталь үзәкле район балалар хастаханәсе белгечләре булачак абитуриентларга һөнәр атмосферасын чын-чынлап тоярга ярдәм итте.
Баш табиб урынбасары Иляна Хафизова кунакларны учреждениенең эшчәнлеге, төп казанышлары һәм соңгы үзгәрешләре белән таныштырды. Укучылар иң кирәкле медицина белгечлекләре һәм яшь белгечләргә каралган ярдәм чаралары турында белделәр.
Визит барышында балалар реанимация бүлегендә, хирургия һәм педиатрия бүлекләрендә, хәзерге заман лабораториясендә, шулай ук поликлиникада булдылар. Аларны ремонтланган кабул итү-диагностика бүлеге дә таң калдырды.
Булачак табиблар хәзерге заман медицина ярдәменең ничек оештырылганын үз күзләре белән күрә алды, практик белгечләр белән аралаштылар, һөнәрнең нечкәлекләре, кирәкле күнекмәләр һәм һөнәри таләпләр турында беренчеләрдән белделәр.
Экскурсиядә катнашучылар билгеләп үткәнчә, мондый очрашулар медицинада эш үзенчәлекләрен яхшырак аңларга һәм сәламәтлек саклау өлкәсендә булачак һөнәрне аңлы рәвештә сайларга ярдәм итә.
Иртә профориентация «Кадрлар» илкүләм проектының максатларына һәм бурычларына җавап бирә.