Мамадыш район үзәк хастаханәсендә Донор көне узды: 70тән артык кеше кан тапшырды
5 мартта «Мамадыш район үзәк хастаханәсе» ДАССУда «Донор көне» акциясе узды. Шәһәр һәм район халкы кан салуга мохтаҗларга ярдәм итәргә чакыруны актив кабул итте.
"Донор көне" акциясендә хастаханәнең 11 хезмәткәре катнашты. Кайбер хезмәткәрләр инде мактаулы донорлар булып тора. Укучыларга шуны да искәртик: 40 тапкыр һәм аннан да күбрәк кан тапшырганда яки 60 тапкыр һәм аннан да күбрәк плазма тапшырганда, сез Россиянең Мактаулы доноры буласыз һәм «Россиянең Мактаулы доноры» күкрәк билгесе белән бүләкләнәсез.
Хастаханәнең кайбер хезмәткәрләре гаиләләре белән кан донорлары булып тора.
Катнашучыларның битараф булмавы ярдәмендә медицина хезмәткәрләре шактый күләмдә кан әзерли алдылар. Акциядә барлыгы 74 кеше катнашты, бу 24 литр 111 мл кан әзерләргә мөмкинлек бирде.
Республикада яшәүчеләрнең сәламәтлегенә һәм гомерләрен саклап калуга керткән шәхси өлешләре өчен барлык донорларга ихлас рәхмәтебезне белдерәбез!
