Әлмәт хастаханәсендә коррупциягә каршы сәясәт турында фикер алыштылар

2026 елның 17 марты, сишәмбе

Иртәнге җыелышта район үзәк хастаханәсе җитәкчелеге, бүлек мөдирләре һәм хезмәткәрләре коррупция гамәлләрен булдырмау чаралары турында фикер алыштылар.
Медицина хезмәткәрләре коррупциягә каршы законнарны үтәүнең мөһимлеген ассызыкладылар.
Төп игътибар мөмкин булган хокук бозуларны профилактикалауга бирелде. Хастаханәдә даими рәвештә пациентлар һәм хезмәткәрләр өчен стендларда мәгълүмат яңартыла.
Шулай ук коллективта коррупциягә карата тискәре мөнәсәбәт формалаштыру һәм аңа каршы көрәшнең хокукый аспектлары турында хәбәрдарлыкны арттыру өчен махсус семинарлар үткәрелә.

Без медицина учреждениесе эшендә үтә күренмәлелекне һәм намуслылыкны тәэмин итәргә омтылабыз!