Казанда «Кулдан кулга» форумы узды – «Коммунарка» тәҗрибәсе
Бу масштаблы белем бирү проекты, аның кысаларында «Коммунарка» Мәскәүнең күп профильле клиник үзәге белгечләре Россиянең төрле почмакларыннан табибларны хәзерге заман клиник практикалар, инновацион технологияләр белән таныштыралар һәм катлаулы медицина бурычларын хәл итүдә үзләренең клиник тәҗрибәләре белән уртаклашалар.
Форум М.Н. Садыйков ис. 7 нче шәһәр клиник хастаханәсе базасында узды. Татарстан Республикасы сәламәтлек саклау министры Альмир Рәшид улы Абашев һәм «Коммунарка» Мәскәүнең күп профильле клиник үзәге директоры Денис Николаевич Проценко (ковид чорында бөтен илгә танылган булган) катнашында.
Денис Николаевич Проценко – м. ф. д., доцент, Мәскәү Сәламәтлек саклау департаментының анестезиология-реаниматология буенча штаттан тыш баш белгече, «МСС „Коммунарка" Мәскәүнең күп профильле клиник үзәге» ДБССУ директоры, Россия Сәламәтлек саклау министрлыгының «Н.И. Пирогов исемендәге Россия милли тикшеренү медицина университеты» ЮББ ФДАОУ анестезиология һәм реаниматология кафедрасы мөдире – модератор булып чыгыш ясады һәм үзенең докладын тәкъдим итте.
Форум дәвалау процессын оештыруга хәзерге заман методикаларны һәм алымнарны үзләштерү, эшкә яңа практикалар кертү, табиб белән пациентның аралашуын камилләштерү өчен яхшы мәйданчыкка әверелде.
Альмир Абашев: "Бүген бу форум да түгел, ә очрашу, профессионаллар диалогы, ике яктан да бертигез дип әйтер идем. Фикер алышу барышында без төрле өлкәләрдә булган сорауларга җаваплар табабыз, уртак нокталар, халыкка медицина ярдәме күрсәтүне оештыру өчен яңа юллар эзлибез. Үзебезнең сәламәтлек саклау системалары арасында дуслыкны ныгытачакбыз».
Денис Проценко: "Без залдан ишеткән сораулар безнең бер аңлау зонасында булуыбызны күрсәтә. Тәҗрибә алмашу бара - бу бигрәк тә бәяләп бетергесез. Теләсә кайсы табибка гомер буе укырга кирәк.
Бу фәнни партнерларның бертигез дәрәҗәдә белем алмашуы иде. Әгәр пациентка юнәлдерелгәнлекнең өч төп тәшкил итүче өлешен аерып карасак - бу эмпания - авыруның хәсрәтләнүе, бу медиклар командалары арасында, туганнары һәм хезмәткәрләре арасында үтә күренмәлелек һәм медицина булмаган персоналның битараф булмавы».