Казанда шәһәр сәламәтлек акциясе үткәрелде
Бүген Казанда, Урицкий ис. паркта, Бөтендөнья сәламәтлек көненә багышланган акция узды.
Оештыручылар – «ТР Пенсионерлар берлеге», «Төньяк йөреш» РИО», «Беренче ярдәм» РМИО ярдәмендә «Республика җәмәгать сәламәтлеге һәм медицина профилактикасы үзәге» ДАССУ.
Һава шартларына карамастан, парк төрле яшьтәге — студентлардан алып пенсионерларга кадәр – дистәләгән катнашучыны җыйды .
Кунаклар өчен массакүләм зарядка, скандинавия йөреше буенча мастер-класс, беренче ярдәм алымнарына өйрәтү оештырылды.
Теләгән һәркем кан басымын бушлай үлчи, региональ сәламәтлек үзәгендә кандагы глюкоза һәм холестерин дәрәҗәсен белә алды.
Акция тагын бер кат шуны күрсәтте: актив озын гомер һәм сәламәтлек турында кайгырту, яшькә һәм һава торышына карамастан, кешеләрне берләштерә. Үз маршрутын үткән һәм сәламәт яшәү рәвешенә таба адым ясаган һәркемгә рәхмәт.