HelicoCheck проекты: алдан эш итүче профилактика
Профессор М.З. Сигал исемендәге ТР ССМ Республика клиник онкология диспансерында HelicoCheck — медицина хезмәткәрләренең Helicobacter pylori инфекциясенә скрининг проектын гамәлгә ашыру дәвам итә.
Инициатива Татарстан Республикасы Сәламәтлек саклау министрлыгы тарафыннан үткәрелә һәм медицина җәмәгатьчелегенең ашказаны рагына карата сагаюын арттыруга, шулай ук медицина хезмәткәрләре арасында Helicobacter pylori таралуын бәяләүгә юнәлдерелгән.
Татарстан Республикасы сәламәтлек саклау министры Альмир Рәшит улы Абашев тарафыннан проектка ярдәм итү ашказаны рагын профилактикалауның дәлилләнгән чарасы буларак Helicobacter pylori диагностикасының әһәмиятен ассызыклый.
Диагностика турыдан-туры эш урыннарында, инфекцияне ачыклауның «алтын стандарты» булган С13 сулыш уреаз тесты ярдәмендә үткәрелә.
Проектның чираттагы этабы кысаларында ике көн дәвамында диспансерның 128 хезмәткәре тикшерү узды. Мондый формат медицина хезмәткәрләренә һөнәри эшчәнлекләреннән аерылмыйча диагностика узарга һәм пациентларның сәламәтлеген сакларга ярдәм итә торган үз сәламәтлекләренә игътибар итергә мөмкинлек бирә.
