Казанда йогышлы авыруларны һәм табигать-чыганак инфекцияләрен диагностикалау һәм дәвалау буенча фәнни-гамәли конференция үтте

Казан дәүләт медицина академиясендә «Йогышлы авыруларны диагностикалауның, дәвалауның һәм профилактикалауның көнүзәк сораулары. Табигать-чыганак инфекцияләре» темасына фәнни-гамәли конференция үтте. Конференция эшендә  Казан, Санкт-Петербург, Иркутск, Ставрополь һәм Киров шәһәрләренең академиклары һәм профессорлары катнаштылар, шулай ук медицина оешмаларының профильле кафедраларының фәнни эшчеләре, сәламәтлек саклау оешмаларының табиб-практиклары. Чарада  табиб-инфекционистлар һәм эпидемиологлар гына түгел, авыруларны беренчеләрдән булып ачыклаучы беренчел буын табиблары - терапевтлар, гомуми практика табиблары, педиатрлар да катнаштылар. Мондый конференцияләрне үткәрү шушы белгечлек табибларына фикерләр белән алмашырга, яңа белемнәр алырга һәм медицина ярдәмен күрсәтүнең сыйфатын күтәрергә рөхсәт итә.
Чараның модераторы булып ТР ССМның йогышлы авырулар буенча баш штаттан тыш белгече, м.ф.д., КДМУның йогышлы авырулар кафедрасы доценты И.Э.Кравченко чыкты.
Конференция эшендә Россия Федерациясенең әйдәүче галимнәре: академик Злобин В.И. (Иркутск), профессор Козлов С.С. (Санкт-Петербург), профессор Анохин В.А. һәм Фазылов В.Х.(Казан), профессор Санникова И.В. (Ставрополь), профессор Утенкова Е.О. (Киров) катнаштылар.