«Клиник портрет» конкурсының җиңүчеләре билгеләнде

«Ак чәчәкләр» республика премиясен иң яхшы табибларга бирүнең танталы церемониясе чикләрендә үзенең укучыларын – «Клиник портрет» конкурсының җиңүчеләрен билгеләп, Healthy Nation журналы үзенең кечкенә бәйрәмен уздырды.

Исегезгә төшерәбез, конкурста катнашучыларга танылган рәссамнарның өч рәсеменә карарга һәм сурәтләнгән персонажларда булырга мөмкин авыруларның тышкы билгеләрен ачыкларга тырышып карарга тәкъдим ителде. Сорау язулары 28 апрельдән башлап 2 июньгә кадәр кабул ителделәр. Медицина эшчеләренең җанлы кызыксыну күрсәтүләре безне шатландыра, конкурс эшләре редакциягә бик күп килде, өстәвенә Россиянең төрле шәһәрләреннән: Мәскәүдән, Санкт-Петербургтан, Новосибирсктан, Ижевсктан, Читадан, Сельцодан. Шуның белән бергә сорау язуларының күбесе Татарстаннан килде, шуңа күрә республикадан өч җиңүчене, ә регионнардан – берне билгеләргә карар чыгарылды.

Эшләрне компетентлы жюри бәяләде: КДМУның фтизиопульмонология кафедрасы мөдире, профессор Александр Визель, КДМАнең эндокринология кафедрасы мөдире, профессор Гөлнара Вагапова, ТР ССМ РКХнең регионара медик-генетик үзәгенең җитәкчесе Зөлфия Вафина, жюри рәисе – ТР ССМ Диспетчер үзәгенең директоры, ТР Медицина эшчеләре ассоциациясенең рәисе Ростислав Туишев.

Эксперт советының фикерләр җыелмасы буенча түбәндәге җиңүчеләр билгеләнде:

1 урын – «РКДҮ» ДАССОның кардиохирургы Наил Гыйльфанов,

2 урын – «ТР ССМ БРКХ» ДАССОның педиатр-табибы Гөлнара Фәрхетдинова,

3 урын – КДМУның госпиталь терапия кафедрасы аспиранты, кардиолог-табибы Роксана Мөхәррәмова.

«Регионнар» номинациясендә җиңүче И.М. Сеченов исемендәге Беренче МДМУның эчке авырулар пропедевтикасы кафедрасының аспиранты Руслан Шепель булды.