Бүген Экология министрлыгында «Медицина десанты» узды

Бүген Татарстан Республикасы Экология һәм тәбигать байлыклары  министрлыгының хезмәткәрләре өчен Татарстан Республикасы Сәламәтлек саклау министрлыгы белән оештырылган  «Медицина десанты» акциясе уздырылды. Табиблар-терапевтлар һәм медицина хезмәткәрләре артериаль кан басымын үлчәделәр һәм сәламәт яшәү рәвеше буенча киңәшләр бирделәр. Шулай ук артериаль кан басымының күтәрелү сәбәпләре турында фильм күрсәтелде, сәламәтлек торышын регуляр тикшерү өчен «үзеңне үзең тикшерү көндәлекләре» өләшенде.